Cimatu bagong DENR secretary

NANUMPA kay Pangulong Rodrigo Duterte si retired military general Roy Cimatu kahapon, bilang bagong kalihim ng Department of Environment and Natural Resources (DENR) kapalit ni Gina Lopez.

Sinabi ni Presidential Spokesman Ernesto Abella, si Cimatu ay dating Special Envoy of the President to the Countries in the Middle East.

Kompiyansa aniya ang Palasyo na tapat na manunungkulan si Cimatu para sa interes ng bansa, at sambayanang Filipino bilang bagong pinuno ng DENR.

Noong nakalipas na linggo, ibinasura ng Commission on Appointments (CA) ang appointment ni Gina Lopez bilang DENR secretary at ito’y dahil sa impluwensiya ng lobby money, ayon kay Pangulong Duterte. (ROSE NOVENARIO)