Sanggol patay, 2 sugatan sa sunog sa Las Piñas

PATAY ang isang sanggol habang dalawa ang sugatan makaraan matupok ang mahigit 100 bahay sa Las Piñas City nitong Lunes ng hapon.

Sa naantalang ulat ni FO3 Joel Pascua ng Las Piñas Bureau of Fire Protection, kinilala ang namatay na si Christian Jay Awitin, isang taon gulang, naiwanan sa loob ng nasusunog nilang bahay.

Habang sugatan sina Ronaldo Lamanilao, 50, at Alvin Castillo, 45-anyos.

Sa ulat ni Pascua, dakong 1:32 pm nang magsimula ang sunog sa bahay ng isang Joselito Cuaderno, inuupahan ng ina ni Christian na si Christine, 26, sa Satima Compound, Fatima Village, Brgy. Talon 2, Las Piñas City.

Mabilis na kumalat ang apoy dahil magkakadikit ang mga bahay na pawang yri sa light materials, at nadamay ang ilang bahay sa kalapit na Woodsrow Subdivision.

(JAJA GARCIA)