HATAW! D'yaryo ng Bayan hatawtabloid.com
PITONG kalalakihan ang dinampot ng pulisya nang ma-tiyempohan habang naglalaro ng cara y cruz sa tabi ng kalsada sa Tondo, Maynila kahapon.
Nakapiit sa Manila Police District Station 1, ang mga suspek na sina Jonald Postrero, 23; Donnis Espino, 24; Eugene Tayag, 40; Milandro Guerrero, 30; Salvador Martinez, 48; Jimmy Traso, 36; at Mavin Etang Capinding, 31, pawang ng nasabing lugar.
Ayon sa imbestigasyon ni Supt. Robert Domingo, station commander ng MPD PS1 Raxa Bago, dakong 1:00 pm nang matiyempohan nang nagpapatrolyang mga pulis ang mga suspek habang naglalaro ng cara y cruz sa Lacson St. kanto ng Innocencio kaya sila ay inaresto.
Sinampahan ang mga suspek ng kasong paglabag sa PD 1602 (Illegal Gambling) sa Manila City Prosecutor’s Office. (LEONARD BASILIO)
