HATAW! D'yaryo ng Bayan hatawtabloid.com
ARESTADO ang limang lalaking hinihinalang tulak ng droga, sa ikinasang buy-bust operation ng pulisya sa Malate, Maynila, kamakalawa.
Nakapiit sa Manila Police District PS9 Malate, ang mga suspek na sina Richard Rabe, 33; Bonifacio Lucion, nasa hustong gulang; Roa Jomar, 20; Ibrahim Asbi, 38, at Randy Rasali, 36, pawang mga residente ng 2184 Leveriza St., Malate, Maynila.
Sa imbestigasyon ni S/Insp. Dave Garcia, hepe ng SAID-SOTU, dakong 8:00 pm nang maaresto ang mga suspek sa Balingkit St., kanto ng Bagong Lipunan St., Malate.
Ayon sa ulat ng pulisya, may tumawag na impormante, nagsabing may nagtutulak ng droga sa nabanggit na lugar.
Bunsod nito, nagkasa ng buy-bust operation ang mga awtoridad na nagresulta sa pagkakadakip sa mga suspek.
(LEONARD BASILIO)
