Martin del Rosario, tinawanan ang pagli-link sa kanila ni Mr. Fu

MAY lumabas na blind item na ang ibinigay na clues ay tumutukoy kina Martin del Rosario at Mr. Fu.  Umano’y nakipag- one-night stand si Martin kay Mr. Fu at after daw ng kanilang pagniniig ay sinisingil ng aktor ang radio/TV personality ng P30,000.

Ayon pa sa blind item, ikinagulat daw ni Mr Fu ang balitang iyon dahil ang buong akala nito’y gusto rin daw ni Martin ang nangyari sa kanila.

Sa isang interview ni Martin ay idinenay niya ang nasabing blind item.

Sabi niya, ”wala po akong alam doon sa mga nali-link sa akin. Ewan ko po kung bakit nila ako inili-link.”

At ang natatawa naman niyang sabi  tungkol sa hinihingi umano niyang P30,000 bilang bayad ni Mr. Fu sa kanya ay, “Talaga ho? Grabe naman! No, hindi po totoo ‘yun.”

Dati, ang tsismis kay Martin ay bading siya. Ngayon naman ay pumapatol siya sa bading. Pero tinatawanan nga lang ng aktor ang isyung ito sa kanya.

Kinuha rin namin ang panig ni Mr. Fu sa pamamagitan ng text messaging. Sabi nito na nagbibiro, “Walang ganap unless siya nagsabi! Chos!.”

MA at PA – Rommel Placente