Kelot hinalay ng therapist

BAGUIO CITY – Nahaharap sa kasong rape through sexual assault ang isang lalaking masahista makaraan halayin ang kanyang kustomer na lalaki sa Lungsod ng Baguio kamakalawa.

Ang massage therapist na suspek ay 30-anyos, habang ang biktima ay 34-anyos, may asawa.

Batay sa salaysay ng biktima, nagtungo siya sa massage center ngunit bago minasahe ay pinainom siya ng sleeping pills upang makapag-relax.

Gayonman, habang umeepekto ang sleeping pills ay naramdaman niyang hinahalay siya ng masahista kaya sinubukan niyang lumaban ngunit umepekto na ang gamot.

Nang mahimasmasan ay umalis ang biktima ngunit bumalik pagkaraan ng ilang oras at hinanap ang masahista.

Agad niyang sinuntok ang masahista bago kumuha ng isang piraso ng kahoy at pinagpapalo ang suspek. Tumigil lamang ang biktima nang awatin ng mga pulis.

Kinasuhan ng rape ng biktima ang masahista ngunit naghain din ng kasong physical injury ang suspek laban kustomer.

( ROWENA MARQUEZ )