HATAW! D'yaryo ng Bayan hatawtabloid.com
BAGUIO CITY – Apat estudyante ang sugatan makaraan magbanggaan ang dalawang tricycle kamakalawa sa Manabo-Sallapadan municipal road sa Brgy. San Jose Sur, Manabo, Abra.
Kinilala ang mga sugatan na sina Cherry Mae Dalipog Amante, 17; Myra Fe Banasan Batoon, 16; at ang kambal na sina Rachelle Anne Catriz Ganeb at Anne Marie Catriz Ganeb, kapwa 23-anyos, pawang mga estudyante at residente sa Brgy. San Ramon West, Manabo, Abra.
Samantala, kinilala ang driver ng tricycle na sinasakyan ng mga biktima, na si Jeffrey Lingbaoan Sales, 34, at residente ng Catacdegan Nuevo, Manabo, Abra.
Batay sa inisyal na imbestigasyon, tinatahak ng tricyle na sinasakyan nina Sidfrey Domingo Pastores at Ninoy Tayan Bobiles ang naturang kalsada nang mawalan ng kontrol at nagresulta sa pagsalpok nito sa tricycle na sinasakyan ng mga biktima.
Nasa kustodiya na ng Manabo-Philippine National Police sina Pastores at Bobiles makaraan mapatunayang nakainom ng alak bago ang insidente.
