Motorcycle rider utas sa van

LUCENA CITY – Hindi umabot nang buhay sa pagamutan ang isang professor makaraan tumbukin ng isang van ang minamaneho niyang motorsiklo sa Maharlika Highway, Brgy. Ibabang Dupay sa lungsod ng Lucena kamakalawa.

Sa imbestigasyon ng pulisya, dakong 8:30 pm habang sakay ng motorsiklo ang biktimang si Erwin Fermin Saplaco Decena, 45, professor, residente sa RGR Subd., Cerille St., Kanlurang Mayao ng nasabing Lungsod, nang bigla siyang tumbukin ng isang Mitsubishi L300 FB Van 6146 na minamaneho ni Guillermo Jabula Merjudio, 28, ng Brgy.Talipan Pagbilao, Quezon.

Pagkaraan ng insidente ay agad tumakas ang suspek at iniwan ang van sa pinangyarihan ng krimen. Patuloy ang imbestigasyon ng pulisya sa insidente.

( RAFFY SARNATE )