HATAW! D'yaryo ng Bayan hatawtabloid.com
MULING ipina-validate ni Pangulong Rodrigo Duterte ang hawak na sinasabing “final narco-list” makaraang lumitaw sa listahan ang ilang pangalan ng kanyang mga kaibigan.
Sinabi ni Pangulong Duterte, nagulat siya nang mabasa nang buo ang narco-list at hindi akalaing kasama sa listahan ang ilang kaibigan.
Ginawang halimbawa ng Pangulo ang pangalan ng isang General Espino na kaibigan niya kaya mismong mga tauhan na ng heneral ang inatasang mag-revalidate.
Ayon kay Pangulong Duterte, hindi niya makita ang link o kaugnayan kung bakit lumitaw ang pangalan ng heneral kaya nais niyang malaman kung paano ito napaugnay sa listahan ng mga sangkot sa ilegal na droga.
Magugunitang inihayag ng presidente na ang “final narco-list” ay na-validate ng Philippine Drug Enforcement Agency (PDEA) at ng National Intelligence Coordinating Agency (NICA).
