3 tulak patay sa drug ops sa kyusi

TATLONG hinihinalang mga drug pusher na sinasabing nanlaban sa mga operatiba ng Quezon City Police District (QCPD), ang napatay sa isinagawang buy-bust operation kahapon ng madaling araw sa Area 4, Veterans Village, Brgy. Bagong Silangan, Quezon City.

Sa ulat kay QCPD director, Sr. Supt. Guillermo Lorenzo T. Eleazar mula kay Supt. Lito Patay, hepe ng Batasan Hills Police Station 6, kinilala ang mga napatay na sina Marco Panganiban Cruz, 27; Royce Alfred Mariano Cruz, 23; at Ariel Contanilla Mabitag, 38-anyos.

Ayon sa ulat, nagkasa ang mga wtoridad ng buy-bust operation laban sa mga suspek ngunit nang makatunog ay nagresulta sa palitan ng putok na nagresulta sa kanilang pagkamatay.

( ALMAR DANGUILAN )