HATAW! D'yaryo ng Bayan hatawtabloid.com
Samantala, sa Setyembre 5 na mapapanood ang The Greatest Love na unang seryeng pagbibidahan ni Ibyang kaya naman araw-araw ang taping nila at ilang araw na siyang walang tulog dahil nga pinagsabay niyang gawin ang TGL at MMK
Sobrang kulit ni Ibyang noong maka-chat namin dahil kung ano-ano ang pinagsasabi at hyper talaga.
Kuwento niya, ”kasi hyper dahil pang apat na na araw wala akong tulog dahil everyday taping (‘The Greatest Love’),’di makatulog nalipasan ng tulog kaya makulit ahaahaaha.”
Hirit pa, ”two hours lang tulog ko lagi.”
Sabi namin na paano ka makatutulog, dalawang show pinagsasabay mong lagariin?
Walang alam pa si Sylvia kung anong oras ieere ang The Greatest Love dahil walang sinasabi pa sa kanya kundi ang petsang Setyembre 5 ang airing nila.
Sabi namin na Tubig at Langis daw ang papalitan ng TGL.
“Hindi ko talaga alam, maraming nagtatanong nga, wala talaga akong alam, bahala ang management kung anong timeslot kami ilalagay basta kami susunod lang,” sagot sa amin.
Tinanong namin kung kabado na ang aktres dahil ilang tulog na lang at mapapanood na ang first lead role niyang serye.
“Oo, ha, ha, ha. Noon, hindi ko nararamdaman ang kaba dahil ayaw kong ma-pressure, pero ngayong ipalalabas na, ha, ha ha ngayon ko naramdaman lahat,”sabi ni Ibyang.
Aba’y oo naman, kakabahan ka talaga isipin mo kay Ibyang nakaatang ang programa, pero matitindi naman ang mga kasama niya sa TGL tulad nina Dimples Romana, Joshua Garcia, Aaron Villaflor, Andi Eigenmann, Rommel Padilla Matt Evans at Noni Buencamino mula sa direksiyon nina Melvyn Brondial at Jeffrey Jeturian mula sa GMO unit.
FACT SHEET – Reggee Bonoan
