HATAW! D'yaryo ng Bayan hatawtabloid.com
MALI raw ang balitang may non-showbiz girlfriend na ang Kapuso Teen actor na si Jake Vargas dahil until now ay single pa rin siya simula nang mag-break sila ni Bea Binene.
Ayon kay Jake, ”Wala akong lovelife ngayon, matagal ng wala.
“Nagulat nga ako sa balita na may non-showbiz girlfriend ak , kasi wala naman talaga.
“Siguro ‘di pa time, ayaw ko naman madaliin. Hindi naman kasi ibig sabihin na wala ka ngayon kailangang maghanap ako.
“Naniniwala kasi ako na hintay-hintay lang at darating din ang tamang tao para sa ‘yo.
“Eh wala pang dumadating ha ha ha , kaya heto naghihintay lang.
“Sa ngayon trabaho lang muna ‘yung pinagkakaabalahan ko.”
Sa ngayon ay happy si Jake dahil may bago siyang soap bukod sa regular show nito. ”Nagpapasalamat ako, kaso lagpas isang taon yata akong nawalan ng soap.
“Buti nga may bago na akong serye, may bagong trabaho ulit.”
Excited nga siyang makatrabaho ang anak nina Janice De Belen at John Estrada, si Inah De Belen. ”Excited po ako makatrabaho si Inah, kasi first time ko siyang makakatrabaho.
“Hindi pa kami nagsisimulang mag-taping, pero nagkakasama na kami sa workshop.
“Okey naman siya, mabait, maganda, at magaling umarte mana sa parents niya na mahuhusay umarte.”
Sa kabilang banda, willing pa rin siyang makatrabaho si Bea Binene. ”Oo naman okey sa akin na makatrabaho si Bea.
“Sa akin kasi, past is past matagal-tagal na rin naman ‘yun since naghiwalay kami.
“Pareho naman kaming professional at mahal namin ‘yung trabaho namin kaya alam ko na wala ring problema if may proyekto kaming pagsasamahan.”
MATABIL – John Fontanilla
