Kelot patay dyowa timbog sa droga

PATAY ang isang 37-anyos lalaki habang naaresto ang kanyang kinakasama sa buy-bust operation  kamakalawa ng gabi sa Tondo, Maynila.

Si Allan Eufemio, residente ng Benita St., Gagalangin, Tondo ay namatay noon din habang naaresto ang kinakasama niyang si Lanie de Guzman, 35, ng nasabing lugar.

Batay sa ulat ni Det. Milbert Balinggan ng MPD-Crimes Against Persons Investigation Section, bandang 10:10 pm nang maganap ang insidente sa panulukan ng Benita at Juan Luna St., sa Gagalangin, Tondo.

Nabatid mula kay Supt. Alex Daniel, station commander,  ikinasa ang buy-bust operation laban sa suspek at sa kanyang kinakasama.

Nang makatunog ang dalawa na pulis ang kanilang katransaksiyon ay nagbunot ng baril si Eufenio ngunit inunahan siya ng putok ni PO2 Montera.

Samantala, nakompiskahan ng dalawang plastic ng shabu ang kanyang kinakasama kaya inaresto ng mga pulis.

( LEONARD BASILIO )