HATAW! D'yaryo ng Bayan hatawtabloid.com
PATAY ang isang dating konsehal ng Malabon City makaraan pagbabarilin ng isa sa hindi kilalang kilalang riding-in-tandem habang sugatan ang tatlong kainoman kamakalawa ng gabi.
Kinilala ni Malabon Police Staff Duty Officer, Insp. Mark Flores ang napatay na si Eddie Nolasco, 61, siyam taon naging konsehal ng lungsod at residente sa 54 Mangoosteen St., Brgy. Potrero.
Ginagamot sa Manila Central University Hospital (MCU) sina Servando Sotto, 56, retiradong fireman, ng 4/F, Rivera St., at Fernando Tongco, 63, ng Rivera St., habang sa Jose Reyes Memorial Medical Center nilalapatan ng lunas si Michael Servando, 38, ng Brgy. Hulong Duhat ng nasabing lungsod.
Base sa imbestigasyon nina PO3 Roger Gonzales, PO1 Joenel PO1Claro at Aaron Blanco, dakong 9:30 pm nang maganap ang pamamaril sa harapan ng bahay sa Rivera St., ng nasabing barangay.
Sa ulat, dumalo si Nolasco sa birthday party ng kanyang kaibigan na si Erlinda San Mateo sa nasabing lugar at habang nakikipag-inoman sa kanyang mga kaibigan ay biglang dumating ang mga suspek sakay ng motorsiklo saka pinagbabaril ang biktima.
( ROMMEL SALES / JUN DAVID )
