FORT BONIFACIO, TAGUIG/AUG.7,2013 A helicopter is seen fying at the many buildings and establishments of Bonifacio Global City,Taguig. Taguig will maintain 'status quo' as Makati plans to takeover Fort Bonifacio after a Court of Appeals order to award portions of Fort Bonifacio to Makati. INQUIRER PHOTO/RAFFY LERMA

PBA D-League player nanghipo ng bebot

Jaja Garcia August 12, 2016 News

INAKUSAHAN ang isang Filipino-American player ng Philippine Basketball Association (PBA) D-League, ng panghihipo sa 25-anyos babae sa loob ng restaurant-bar sa Bonifacio Global City (BGC) kahapon ng madaling araw.

Kahapon, isinailalim sa inquest proceeding sa Taguig City Prosecutor’s Office at ngayon ay nasa kustodiya ng Taguig City Police ang hinuling PBA D-League import player na kinilalang si Rashawn McCarthy, naglalaro sa koponan ng AMA Online Education.

Base sa inisyal na ulat ng pulisya, pasado 2:00 am nang mangyari ang insidente sa loob ng Revel Restaurant Bar sa BGC.

Sinasabing nakasalubong ng biktima ang PBA import na bigla siyang hinipuan.

Pumalag ang biktima at inireklamo sa bouncer ng resto-bar ang dayuhang suspek.

Agad inaresto ng bouncer ang inirereklamong basketball player at dinala sa tanggapan ng Police Community Precinct (PCP-7) BGC para sa imbestigasyon.

( JAJA GARCIA )