16 arestado sa anti-drug ops

ARESTADO ng pulisya ang 16 kataong pawang sangkot sa droga sa magkakahiwalay na operasyon sa Taguig City, Las Piñas City at Muntinlupa City nitong Martes ng gabi.

Sa ulat kay Taguig City Police chief, Sr. Supt. Allen Ocden, sampu kataong sangkot sa droga ang naaresto ng kanyang mga tauhan na kinilalang sina Jomar Macapigis, 23; Rolando Riposo, 34; Amor Duma, 45; Aeron Roi Comargo, 24; Renato Cabatuan, 46; Sherwin Barreto, 26; Jorievic Baliton; Manuel Satinguin, 51; Eduardo Quilang, 33 at Jade Mark.

Habang ayon kay Las Piñas City Police chief, Sr. Supt. Jemar Modequillo, nahuli sa isang “Oplan Sita” sa Grandeur, Brgy. Talon 5 ng lungsod, ang magkapatid na sina Jayson Regalado, 25; at John Lawrence Regalado, 24, dakong 11:00 am.

Nahuli dakong 8:00 pm si Bienvenido Hernandez, 42, sa bisa ng search warrant na inisyu ni Executive Judge Salvador V. Timbang, ng Las Piñas City Regional Trial Court.

Sa lungsod ng Muntinlupa, arestado si Richard Quitain, 32, makaraan makompiskahan ng shabu.

( JAJA GARCIA )