HATAW! D'yaryo ng Bayan hatawtabloid.com
ARESTADO sa mga pulis ang dalawang dayuhang sinasabing sangkot sa panghahalay sa dalawang menor de edad sa Baguio City.
Nakuha rin sa hotel room ng mga suspek ang siyam pakete ng marijuana.
Nagpakilalang taga-Dubai ang naarestong sina Waleed at Abdhelraman.
Ayon sa security head ng hotel, nagreklamo ng panggagahasa ang dalawang 16-anyos dalagitang kasama ng mga dayuhan.
Sinasabing galing pa sa Tondo, Maynila ang mga dalagita.
Nasa pangangalaga na sila ng women’s desk ng Baguio City Police.
Tumangging magbigay ng komento ang dalawang dayuhang nahaharap sa reklamong paglabag sa Comprehensive Dangerous Drugs Act of 2002 at trafficking in persons.
Isinailalim na sila sa drug test.
