Ariel, ‘di napapansin ang galing sa pag-arte

NAKATSIKAHAN namin ang mga long time supporter ni Ariel Rivera na simula pa noong nadiskubre ngBackroom, Inc, ang aktor/singer ay naroon na sila.

Tinanong kami kung bakit hindi raw napapansin ang idolo nila pagdating sa pag-arte?  Bakit wala raw award na natatanggap o hindi man lang daw siya nano-nominate ng award giving body.

Hirit namin na hindi naman gumagawa ng pelikula si Ariel kaya paano siya mapapansin.

Sagot sa amin, ”bakit, may award-giving body naman para sa TV shows, ‘yung PMPC Star Awards for TV?”

Oo nga ‘no? Bakit nga ba hindi napapansin ng PMPC si Ariel eh, magaling naman siyang artista? Hayan, sa mga katotong miyembro ng nasabing award giving body, pakibigyan ng pansin ang hinaing ng supporters ni Ariel.

Oo nga naman puwede namang ma-nominate sa best supporting lalo na sa mga seryeng ginampanan niya tulad ng Doble Kara bilang adoptive father nina Kara at Sara na ginagampanan ni Julia Montes.

Anyway, tsugi na ang karakter ni Ariel sa Doble Kara bilang si Ishmael dahil inilagay na siya sa Born For You bilang asawa ni Ayen Munji-Laurel at ama at manager ni Elmo Magalona.

Ang mga award na natanggap ni Ariel in terms of acting ay Best New Male Artist- Awit Awards noong 199; Best Performance by a New Male Recording Artist- 1992; Best Supporting Actor – Bakit Labis Kitang Mahal, Metro Manila Film Festival, 1992; Music Video of the Year-Tunay Na Ligaya, 1997; Best Vocal Performance of the Year by a Duet/Group- I Don’t Love You Anymorewith Lea Salonga, 1999; Outstanding Lead Actor- Forever In My Heart, 2nd Golden Screen Awards, 2005 at Best Actor- Parola, Bahaghari Awards.

“Sana mapansin siya sa ‘Born For You’,” sabi sa amin.

FACT SHEET – Reggee Bonoan