HATAW! D'yaryo ng Bayan hatawtabloid.com
NAKATAAS na ang tropical cyclone signal number one sa Batanes Group of Islands dahil sa typhoon Butchoy.
Ayon kay PAGASA forecaster Aldzar Aurelio, huling namataan ang sentro ng bagyo sa layong 860 km silangan ng Calayan, Cagayan.
Taglay nito ang lakas ng hangin na aabot ng 195 kph at may pagbugsong 230 kph.
Kumikilos ito nang pahilagang kanluran sa bilis na 30 kph. Ngayong umaga, ang sentro ng bagyo ay inaasahang nasa 305 km silangan hilagang silangan ng Itbayat, Batanes.
Nagbabala ang Pagasa sa mga mangingisda at naglalakbay gamit ang mga sasakyang pandagat dahil aabot hanggang apat na metrong taas ang alon, lalo sa hilagang Luzon.
