9-anyos minimum na edad ng akusado isinulong

INIHAIN ni incoming House Speaker at Davao Del Norte Rep. Pantaleon “Bebot” Alvarez ang panukalang batas na naglalayong ibaba ang minimum na edad para sa criminal liability o “Minimum Age of Criminal Responsibility Act.”

Ito ang pangalawang panukala ni Alvarez mula nang maiproklama siyang panalo sa nakaraang eleksiyon.

Ang unang bill ng kongresista ang kontrobersiyal na death penalty bill.

Sa panukala ni Alvarez, nais niyang ibaba sa 9-anyos ang maaaring patawan ng parusa sa ilalim ng batas mula sa kasalukuyang 15-anyos.

Bukod sa Davao del Norte solon, isinusulong din ni Capiz Rep. Fredenil Castro ang naturang panukalang batas.