HATAW! D'yaryo ng Bayan hatawtabloid.com
SI Bossing Vic Sotto ang naglapat ng musika ng awiting “Imagine You And Me” na kinanta ni Maine Mendoza bilang theme song ng launching movie nila ni Alden Richards na may parehong titulo na palabas na sa mga sinehan sa buong bansa simula July 13 sa direksyon ni Mike Tuviera.
Marami ang nagkagusto sa song, na bagay na bagay sa romantic movie ng AlDub na majority ng eksena ay kinuhaan sa Italy at in fairness mala-Hollywood movie ang dating ng film.
Para ipakita ang kanilang pagmamahal sa miyembro ng buong EB Dabarkads including Bossing ay all-out ang support sa unang tambalan nina Maine at Alden sa big screen.
Katunayan todo sa pagpo-promote ang lahat sa kanilang noontime show na nananatiling number one sa Mega Manila base sa datos ng AGB Nielsen at maging sa national ay maganda rin ang rating na naitatala araw-araw ng Bulaga dahil sa patok nilang mga segment tulad ng Juan For All, All For Juan, Pinoy Henyo, Hakot Pa More, Lucky Hakot Truck, Lola’s Playlist, Trumpets Challenge at Bulagaan.
Matatag gyud!
Ian, Jodi at Richard certified box office trio
“THE ACHY BREAKY HEARTS” KUMITA NG P14M SA FIRST DAY
Kuwento ng kalapit apartment namin sa Kyusi na nakapanood ng first day noong Miyerkoles ng latest movie offering ng Star Cinema na “The Achy Breaky Hearts,” pinagbibidahan nina Ian Veneracion, Jodi Sta. Maria at Richard Yap, dumating siya sa sinehan sa SM North EDSA, ang haba-haba na ng pila.
Kaya wala siyang choice kundi ang sumabay sa pila dahil excited na ngang mapanood ito. At sulit naman ang kaniyang effort at ibinayad sa sinehan dahil hindi lang siya pinakilig nina Jodi, Ian at Richard kundi pinasaya pa sa very entertaining raw
na movie ng taon na pak na pak sa mga hugot lines at romantic scenes.
Actually balak pa ng kapitbahay namin na panoorin uli ang The Achy Breaky Hearts at this time kasama na niya ang buong pamilya. Rated PG (Parental Guidance) ng MTRCB ang Antoniette Jadaone movie kaya puwede ito sa mga bata basta’t kasama ang magulang o sinomang elders.
Parehong malawak ang fan base ng loveteam nina Jodi at Richard ganoon na rin ang tambalang Jodi at Ian at mukhang lahat sumugod sa paborito nilang sinehan sa buong bansa kaya from 170 cinemas ay tumalon na sa 190 theaters nationwide showing ang The Achy Break Hearts.
Ayon sa Star Cinema ay breakout box office ito sa kinitang P14M sa first day na tinawag nilang Box Office Trio ang lead actors ng movie na sina Ian, Jodi at Richard.
ELNELLA LOVE TEAM NINA ELMO AT JANELLA HIT AGAD SA ‘BORN FOR YOU’
Sa sobrang ganda at ka-inlab-inlab na istorya ng “Born For You,” mula sa 17.1% na rating ng pilot episode
nito noong June 20 ay agad tumalon sa mataas na rating na 21.1% sa national at 24.1% sa metro last June 24 ang musical-drama series na pinagbibidahan ng bagong pinasisikat na loveteam ng ABS-CBN at Dreamscape Entertainment na sina Elmo Magalona at Janella Salvador.
Pinatunayan nina Elmo at Janella na mayroon silang chemistry at majority ng kanilang scenes specially ‘yung mga kinuhaang eksena sa Tokyo, Japan na may kaugnayan sa red string faith na pinaniniwalaan ng maraming hapon ay kinakikiligang panoorin gabi-gabi ng ElNella supporters and viewers.
I’m sure sa ganda ng plot ng kuwento ng BFY, marami pang mga kasasabikang tagpo at mas lalong dadami ang tutok sa serye na pinagtulungang idirek ng tatlo sa pinakamahuhusay na Kapamilya directors na sina Onat Diaz, Jon Villarin at Rechie Del Carmen.
Samantala, buong pusong nagpapasalamat sina Elmo at Janella sa lahat ng mga tumatangkilik ng kanilang kalulunsad na teleserye na mapanonood sa ABS-CBN Primetime Bida pagkatapos ng Dolce Amore ng LizQuen.
Certified hottest loveteam na ang ElNella gyud!
VONGGANG CHIKA! – Peter Ledesma
