Pagkakatanggal kay Kimpoy sa EB, walang eksplanasyon

NA-SAD kami para kay Keempee de Leon.

Tsugi na pala siya sa Eat! Bulaga. Pero ang hindi maganda, wala raw explanation.

Nang magtanong ang isang fan kung bakit hindi na siya nakikita sa noontime show ng Siete, umamin agad si Keempee who said, ”Wala na po, tinanggal na nila ako mag 4months na po.”

Sa kanyang comment naman sa isang Instagram post ni Paolo Ballesteros, Keempee said ”@pochoy_29 nice pao!  anyway it was a pleasure and greatful working with you all those years  hope to see you back in eb anytime soon as for me waley na…sabi nga nila..shonggal nako sa show. Di ko alam kung bakit. Waley memo or explanation. You deserve to be there and be back. They needed you kahit di nila aminin. Your good pao!!!  Good luck! God bless :)”

Marami ang nagulat. Imagine, parang binastos siya dahil ayon sa kanya, walang memo, walang explanation kung bakit siya tinanggal.

Ang tagal na ni Keempee sa show, ilang dekada na siya roon pero natsugi pa rin siya. Ang akala ng marami ay wala siyang pagkatsugi dahil nga anak siya ni Joey de Leon pero hindi yata totoo ‘yon kasi nga nasibak pa rin siya.

Hindi ba siya naipaglaban ng kanyang tatay na si Joey?

Baka naman may nagawa siyang mali at hindi na lang tinukoy sa kanya ng mga namamahala sa show. Or it could be nagtitipid ang pamunuan ng show dahil sa laki ng budget na ipinalalabas nila everyday.

Pero kung true nga ang sinasabi ni Keempee, that’s unfair.

UNCUT – Alex Brosas