MATABIL
ni John Fontanilla
IBINAHAGI NG dalawa sa lead actors ng VMX movie na Apoy sa Ilalim, Apoy sa Ibabaw na sina Itan Rosales at Rhian Rivera ang meaning ng title ng kanilang kaabang-abang na pelikula.
Kuwento ni Itan, “About po ito kay Rebecca na nagbebenta siya ng bibingka, si Rhian po si Rebecca sa movie na ito.
“Kaya po siya tinawag na Apoy sa Ilalim, Apoy sa Ibabaw’ dahil dapat po may isa pa kaming kasama rito si Julianne (Richards) na ayun din ‘yung isang kapartner ko sa movie na ito.”
Ayon naman kay Rhian, “For my own understanding kaya po tinawag ito sa ‘Apoy sa Ilalim, Apoy sa Ibabaw’ kasi surprisingly may isa pa pong character na sinasabi niya (Julianne) ‘yun ‘yung past niya bago ako dumating sa buhay niya (Itan).
“Kumbaga may apoy siya sa ilalim, mayroon din siyang ako na apoy sa ibabaw parang ganoon po siya.
“And of course bibingka, ‘yun ‘yung pinaka-ano niya (title ng movie).”
Dagdag pa ni Itan, “Kung papano kasi lutuin ang bibingka ‘di ba mayroon ding apoy sa ilalim, mayroon ding apoy sa ibabaw, kaya ‘yun ‘yung naging title niya.”
Nagkuwento rin sina Rhian at Itan ng pinaka-challenging na eksena na ginawa nila sa pelikula.
Tsika ni Itan, “Ah siguro sa akin ‘yung nag-lovescene na may gata sa buong katawan ko, sobrang challenging sa akin niyon, nasa labas kayo sa probinsiya sa Antipolo.
“Sobrang lamig sa labas, sobrang lamig din ng gata sa katawan kaya challenging ‘yun sa akin kasi lamigin akong tao kapag nasa labas.
“Iba kasi ang lamig kapag nasa aircon kami. Ayun lang ‘yun mas challenging sa akin, kasi parang magkakasakit ako ‘pag tapos niyong scene namin.
“Sobrang pagod na pagod ako, sobrang dami ng posisyon at saka sobrang dami ng shots na ginawa sa lovescene na iyon.
“Medyo paulit-ulit naming ginawa, hangang makuha ni direk ‘yung pinaka-gusto niyang shot na makuha.”
Say naman ni Rhian, “For me naman same lang kay Itan dahil first time namin ginawa ‘yun and ‘yun nga nasa labas and hindi lang ‘yun ‘yung scene na ginawa namin sa labas, mayroon pa sa sagingan. So ‘yun pa ‘yung aabangan ninyo na eksena.”
Ibinahagi rin nina Itan at Rhian kung gaano ka-wild, intense, at grabe ‘yung lovescene nila sa movie.
Para kay Itan, “Siguro kung iri-rate ko nasa 10, lalo na ‘yung mga love scene namin, sobrang wild niyon.
“Like kita ‘yung buong kaluluwa namin, as in kita lahat. Parang nakatakip sa akin ‘yun lang ‘yung plaster lang mismo tapos all in all all out po ako.
“Sa akin siguro ito ‘yung pinaka-daring na ginawa ko sa mga lovescene sa labas kasi sa mga iba kong ginawang movie, wala akong masyadong ginawang ganoon.
“Bale itinodo ko na rito ‘yung mga lovescene sa labas.”
Para naman kay Rhian, “For me naging all out din po kaming dalawa, even in our very first scene, kasi lovescene agad ‘yun.
“Parang nandoon kasi lahat ng ano namin ‘yung energy namin kasi first scene ‘di ba lovescene kaagad.
“Nandoon ‘yung energy, nandoon ‘yung parang mas intimate siya kung titingnan.
“And then ‘yung pinaka-wild pa is ‘yung sa sagingan bukod sa sinasabi ko kanina.
“’Yung sa sagingan po, kahit halos kagatin na kami ng hantik doon, go with the flow pa rin, the show must go on.
“So wala, kailangang maging professional, kaya ‘yung mga ungol namin doon totoo na kasi masakit talaga, kinakagat na kami ng time na ‘yun.”
Makakasama nina Itan at Rhian sa pelikulang Apoy sa Ilalim, Apoy sa Ibabaw sina Julianne Richards, at Rash Flores sa direksiyon ni Omar Deroca na may World Premiere sa August 21 sa VMX.
