ALAM MO NA!
ni Nonie Nicasio
IPINAHAYAG ng BEST Magazine Publisher at tinaguriang Award Guru na si Richard Hiñola na plano niyang gawing pang-international ang mga ipinagkakaloob niyang awards.
Sabi niya sa isang panayam: “I’m planning to do it by next year na, kasi right now ay medyo hectic na hectic na ang schedule ko. So, lahat naman ay sinusubok ko, gusto ko na palagi akong naghahain ng panibagong awards night para hindi naman magsawa. And we will honor also mga internationally acclaimed personalities sa abroad.”
Ano naman ang reaction niya sa mga nagsusulputang award giving bodies?
Pahayag niya, “Ang importante lang is yung credibility, kasi legacy iyon, e. Kahit naman kung sino-sino na ang gumagawa, malalaman mo naman kung sino ang nag-i-stand-out at kung sino ang magagaling. Na alam mong may pakay na makatulong sa community.”
Nabanggit din ni Richard ang kaibahan nila sa ibang nagbibigay ng awards, na siya ay marami nang napatunayan at kabilang dito ang ginagawa nilang charity works.
“Thank you sa tiwala, maraming-maraming salamat, kasi sa panahon ngayon ay ang hirap na pong magtiwala. Lalo na, nagiging negosyo na ang awards night. Iyong sa amin naman, kitang-kita naman po ang ebidensiya at marami na rin po akong napatunayang charity works,” masayang wika pa niya.
Pabirong hirit pa ni Richard, “Happy naman ako, kasi very competitive ang market. Basta ang importante, ako ang nauna. Kasi sabi nga nila, ‘Kapag nauna, iyon ang bida’! Joke lang! Hahahaha!”
Ang star-studded at puno ng ningning na 10th Best Magazine Anniversary event ay naganap sa Grand Ballroom ng Camelot Hotel last-last week.
Sa nasabing okasyon ay pinasalamatan ni Richard ang lahat ng mga sumusuporta sa kanyang proyekto at special mention dito si Ms. Cecille Bravo na head ng Intele Builders and Development Corporations.
Aniya, “I’ve been doing this for 10 years now, we’ve been roving around the whole Philippines from Luzon, Visayas and Mindanao to do some charity projects… nagpapasalamat ako sa lahat, especially to my supporter Mam Cecille Bravo na hanggang ngayon kahit hirap na hirap na ako na mangulit sa kanya, hindi talaga siya sumu-surrender sa akin, talagang mahal na mahal ako ni Mam Cecille Bravo.”
Nang ipagkaloob na ang 3rd Rosa Rosal Legacy Awards na ang pangunahing awardee ay ang napaka-generous na businesswoman na si Ms. Cecille Bravo, muli siyang kinilala at pinasalamatan ni Richard.
Aniya, “Actually po sa totoo lang, hindi ako nagdadrama, pero because of Mam Cecille, lahat ng activities ko nationwide, siya ang sumu-support sa akin… mga airfare ko, mga food, ganyan. So for ten years, si Mam Cecille po talaga ang sumusuporta sa akin.”
Sa hiwalay na panayam kay Ms. Cecille, siya’y nagpasalamat naman sa naturang parangal at sinabing sana dahil dito ay nakapagbibigay din siya ng inspirasyon sa iba.
Masayang wika niya, “I’m so thankful at ito ay lifetime achievement award na and as always, grateful na nabibigyan ng recognition. Kahit na mga maliliit na bagay ang nagagawa ko ay napapalaki, and hopefully ay nai-inspire ang iba.”
Bukod kay Ms. Cecille, ang iba pang ipinagkalooban ng parangal ay sina JM Ibarra, Sheryl Cruz, Elizabeth Oropeza, Ate Gay, Kuya Lhar Santiago, Alma Concepcion, Gerald Santos, Doc Ramil Ramilo, Ivy Violan, Faith Cuneta, Liz Alndogan, Evangeline Pascual, Marc Logan, at William Thio.
Kabilang din dito sina Charina Carmen, Ar’iel, Blue Dreamers PH, Amazing Peanut, Xaxa Manalo, Champagne Morales, Roxanne Barcelo, Miles Poblete, Direk Vivian Blancaflor, Myrus, Camille Velasco, Ana Katrina Lara, Kent Martin Dy, Play, Marcene Bernice Bermundo, Charo Calalo, Yza and Ynna Uy, Kiko Antonio, Kikayz, Alexie Brooks, Jenette Fernando-Dizon, Mama Emma, mga kapatid sa panulat na sina Fernan de Guzman, John Fontanilla, at iba pa.
Kabilang naman sa nagbigay ng entertainment sa naturang okasyon sina Faith Cuneta, Ivy Violan, at iba pa.
