Univerkada ng Viva big hit

I-FLEX
ni Jun Nardo

NAKA-JACKPOT ang Viva sa University series na bumuo ng Univerkada na talaga namang minahal nang husto at nakabuo ng milyong fans.

Ang ikaanim at huling chapter ng patok na University series ni Gwy Saludes na nakapagtala ng mahigit 720 million views online, ay ang Our Yesterday’s Escape na pagbibidahan ng loveteam nina Jairus Aquino at  Nicole Omillo.

Mula sa Rain In Espana na sinundan ng Safe Skies, Archer,  Chasing In The Wild, Avenues of the Diamond, at Golden Scenery of Tomorrow, simula sa September 5 ay mapapanood na ang  final chapter.

Ang nakatutuwa sa last chapter, aba, ang loveteams na nabuo sa naunang series ay magbabalik din.

Abangan ang minahal nating Univerkada na sina Heaven Peralejo,  Marco Gallo, Bea Binene, Wilbert Ross,  Jerome Ponce, Krissha Viaje, Gab Lagman,  Hyacinth Collado, Aubrey Caran, at Lance Carr.

Nakatutuwa ang fans ng loveteams ng bawat chapter dahil namigay sila ng regalo sa dumalong media sa  presscon ng  Our Yesterday’s Escape mula sa direksiyon ni Gino M. Santos.