Jerald at Pepe parehong umangat ang career mula entablado tungo sa pagbibida sa pelikula
I-FLEX
ni Jun Nardo
SANGGANG-DIKIT kung magturingan sina Jerald Napoles at Pepe Herrera. Nagmula sila sa stage at natutuwa si Je na kapwa sila nakatawid ni Pepe papunta sa movies.
Nagtagumpay naman silang dalawa at nagkasama sa ilang movies pero sa Viva movie na Ang Pinakamasarap na Pares sa Balat ng Lupa, silang dalawa na ang magpapatawa.
BFF kung magturingan ang dalawa. Natatandaan pa ni Pepe na si Jerald ang kasama niya hanggang 6:00 a.m. nang maghiwaly sila ng isa sa naging dyowa niya.
Si Pepe naman ang naging abay sa kasal ni Jerald kay Kim Molina.
At sa pagsasama nila ng isang movie, ang ikagaganda nito ang gusto nilang ipakita at hindi kung paano masasapawan ang isa’t isa!
Mula sa direksiyon ni Jayson Brizuela ang movie na mapapanood sa sinehan sa August 26.
