Pepe Smith bioflick gustong gawin ni Pepe Herrera
MATABIL
ni John Fontanilla
DREAM role ni Pepe Herrera na gampanan o gawin ang bioflick ng Pinoy Rock Icon na si Pepe Smith at ang magdidirehe ay ang direktor ng pelikulang Everything, Everywhere All At Once na sina Daniel Kwan and Daniel Scheiner.
Kuwento nga ni Pepe, “Ang dream role ko, gusto kong gumanap bilang si Pepe Smith, tapos naisip ko lang one time habang nagmumuni-muni ako, paano kaya may pelikula na sinapian ako ni Pepe Smith, ‘yun po ‘yung isang gusto kong gawin.
“Tapos gusto kong magdirehe ‘yung direktor ng ‘Everything, Everywhere All At Once (Daniel Kwan and Daniel Scheiner) surreal, gusto ko ‘yung mga ganoon.”
Isa nga sa pinakamandang feeling na naramdaman ni Pepe ay noong nagkaroon siya ng anak at naging tatay.
“Maging tatay po, walang kapantay ‘yun lalo na ngayon kapag katabi mo matulog pinagmamasdan mo lang ‘yun.
“Excited akong maranasan ni Jerald soon, at saka ni Direk (Raynier F. Brizuela) bLang araw, next month.”
Makakasama ni Pepe sa Ang Pinakamasarap Na Pares Sa Balat Ng Lupa si Jerald Napoles with Christine Bermas, Yan Yan De Jesus, Gene Padilla, TJ Valderma, Kedebon Colim, Jobelyn Manuel.
