Love Kryzl at Sarina mag-bestfriend; 10 kanta ipinamalas sa Xtraordinary Kryzl: Born to Shine concert
SHOWBIZ KONEK
ni Maricris Valdez
SOBRANG close pala sina Kryzl Jorge, young CEO ng lifestyle bran na Purple Hearts at Purple Hearts Foundation at anak ni Jhong Hilario na si Sarina kaya present ang mag-ama sa Xtraordinary Kryzl: Born To Shine 10th Birthday Concert ng unanoong Hulyo 18, 2026, Sabado, na isinagawa sa Samsung Hall ng SM Aura, BGC, Taguig City.
Kasama sina Jhong at Sarina na nagbigay-saya sa Born To Shine concert gayundin sina Josh Ford, Kira Balinger, at Queenay Mercado na ang nag-host sa pre-show ay si Dianne Medina.
Ayon kay Jhong sa isang interbyu, hindi nila
pwedeng tanggihan si Kryzl dahil grabeng suporta ang ibinibigay ng bunso nina Mr Kris Jorge(founder) at Liezl Jorge (chairwoman) ng Kryzl Group of Companies sa tuwing may gift-giving si Sarina.
Sinabi rin ni Jhong na very supportive rin ang Purple Hurts family sa kanyang anak na si Sarina kaya ang mag-perform sa 10th birthday ni Kryzl ay malaking kasiyahan din sa kanila.
Samantala, isang hindi malilimutang gabi ng musika, inspirasyon, at pagbabahagi ang nasaksihan sa Xtraordinary Kryzl: Born to Shine 10th Birthday Concert ng Little CEO at young performer na si Kryzl.
Sa murang edad na 10, ipinamalas ni Kryzl ang kanyang pambihirang talento sa singing at dancing, kasabay ng dedikasyon, disiplina, at passion na kanyang hinubog sa loob ng ilang buwang paghahanda. Isa sa pinakamalalaking tampok ng concert ang official launch ng kanyang 10 original songs, na bawat isa ay may dalang mensahe ng pag-asa, kabutihan, pangarap, at positibong pananaw sa buhay.
Sa kabila ng pagsabay sa pag-aaral at masinsinang rehearsal schedule, pinatunayan ni Kryzl na sa pamamagitan ng tiyaga at sipag, kayang maabot ang anumang pangarap.
Mas lalo pang naging inspirasyon ang kanyang paglalakbay dahil sa walang sawang suporta ng kanyang pamilya at ng buong Kryzl Group of Companies, na patuloy na gumagabay at humuhubog sa kanyang pagmamahal sa musika, leadership, at service.
Higit pa sa pagpapakita ng talento, ang Xtraordinary Kryzl: Born to Shine dahil naging selebrasyon ito ng layunin, malasakit, at pag-asa—isang patunay na kahit bata pa, kayang magbigay-inspirasyon at makagawa ng positibong pagbabago sa buhay ng iba.
