Kolette Madelo hindi nawawalan ng proyekto

MA at PA
ni Rommel Placente

HINDI man siya ang pinalad maging Big Winner sa Pinoy Big Brother: Gen 11 ay alagang-alaga pa rin ng ABS-CBN ang career ni Kolette Madelo. Hindi siya nawawalan ng proyekto sa estasyon.

Sa ngayon nga ay regular performer siya sa ASAP tuwing Sunday. At isa rin siya sa mainstay sa action series na Blood vs Duty, na pinagbibidahan nina Gerald Anderson at Richard Gutierrez. Gumaganap siya rito bilang si Nurse Gracia.

At hinahangaan siya sa nasabing serye dahil sa husay sa pagganap na ipimamalas niya.

Lumabas din siya sa bagong season ng Kapamilya Deal of No Deal, hosted by Luis Manzano.

Samantala, sa 7th VP Choice Awards, na ginanap noong April 29 sa Blue Leaf Cosmopolitan in Quezon City,  ay tumanggap ng award si Kolette bilang Solo Performer of the Year para sa performance sa Call Me, ang kanyang single.

Ang pagkilalang ito ay nagpapakita ng kanyang pambihirang talento, at katayuan bilang nangungunang artista sa industriya ng libangan ng mga Filipino sa TikTok.

Hindi ito ang unang pagkakataon na tumanggap ng award si Kolette sa VP Choice Awards.

Last year ay pinarangalan din siya bilang  Viral Tiktok of the Year (along with Jarren Garcia).

Talagang paborito sa VP Choice Awards si Kolette. Hindi naman kataka-taka ‘yun dahil  sa pagiging talented niya, kaya nga napapansin siya sa nasabing award giving body.

Siyempre pa, sa mga achievement ng dalaga ay sobrang happy ang mga supporter niya lalo na ang kaibigan naming si Rose Siason.