HATAW! D'yaryo ng Bayan hatawtabloid.com
BIGONG makauwi sa kanyang pamilya ang isang Transport Network Vehicle Service (TNVS) driver nang holdapin at barilin ng kanyang pasahero kamakalawa ng madaling araw sa Bagong Silang, Caloocan City.
Patay agad ang biktimang si Erick Robert Songco, 37 anyos, residente sa Merry Homes Subdivision, Caloocan City.
Agad nadakip sa follow up operation ng mga tauhan ng Caloocan City Police Sub Station 12 sa San Jose del Monte, Bulacan ang suspek na isang alyas Renan, 32.
Batay sa inisyal na imbestigasyon, isinakay ng biktima ang suspek ngunit sa kalagitnaan ng biyahe ay nagdeklara ng holdap ang huli.
Nakita sa video na nakikiusap ang biktima sa suspek na huwag siyag patayin hanggang humantong sa pamamaril ng suspek sa biktima.
Matapos ito ay agad tumakas ang suspek.
Kinondena ni Northern Police District (NPD) Director PBGen. Benliner Capili ang ginawang pamamaslang sa TNVS driver kasabay ng kautusan ng pagpapaigting ng police visibility at checkpoints.
Nahaharap sa kasong murder ang suspek.
