HATAW! D'yaryo ng Bayan hatawtabloid.com
NASAKOTE ng mga awtoridad ang isang 20-anyos babae na naaktohang nagbebenta ng P1.08-milyong halaga ng hinihinalang shabu sa isang undercover agent sa lungsod ng Muntinlupa, nitong Biyernes, 29 Mayo.
Dinakip ng mga tauhan ng Station Drug Enforcement Unit ng Muntinlupa City Police Station (CPS) ang suspek na kinilalang si alyas Madam, nakatala bilang high-value drug suspect, dakong 9:15 ng gabi sa Purok 4, Arandia St., Brgy. Tunasan, sa naturang lungsod.
Nakompiska sa suspek ang mga plastic sachet at isang plastic bag na naglalaman ng 159.5 gramo ng hinihinalang shabu na tinatayang nagkakahalaga ng P1,080,000; at marked money.
Nakatakdang sampahan ang suspek ng kasong paglabag sa Section 5 (sale of dangerous drugs) at Section 11 (possession of dangerous drugs) sa ilalim ng RA 9165 o Comprehensive Dangerous Drugs Act of 2002. (HNT)
