Panawagan sa publiko
MANATILING MAPAGMATYAG – LACSON

HINIKAYAT kahapon ni Senador Panfilo “Ping” Lacson ang publiko na manatiling mapagmatyag pagkatapos magpulong ang Senado bilang impeachment court noong Lunes para sa impeachment trial ni Vice President Sara Duterte–Carpio.

“The stark contrast between the smell of gunpowder last week and the breath of fresh air in the Senate yesterday was evident when we convened as an impeachment court after all the parliamentary procedures were strictly followed. May the public vigilance remain unabated,” paskil ni Lacson sa kanyang X.

Noong Lunes, pormal na nagtipon ang Senado bilang impeachment court upang litisin ang kaso laban sa Bise Presdinte, matapos matanggap ang Articles of Impeachment mula sa Kamara noong 13 Mayo 2026.

Dinala sa Senado ang Articles of Impeachment kasabay ng tensiyon kaugnay sa posibleng pag-aresto kay Sen. Ronald dela Rosa.

Nitong nakaraang pagtatapos ng linggo, binigyang-diin ni Lacson na may hangganan ang pag-abuso sa kapangyarihan, kasunod ng mga pangyayari noong nakaraang linggo.

“Arrogance of power, like impunity, has its limits,” ani Lacson.