HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
NAPASABAK sa matinding aktingan ang baguhang aktor na si Khai Flores. At ito ay sa pagbibidahang pelikula, ang psychological suspense thriller na Mantsa na idinirehe ni Louie Ignacio hatid ngDragon Entertainment Productions.
Masuwerte si Khai dahil pawang mga bigating artista ang kasama niya sa Mantsa tulad nina Pilar Pilapil, Janice at Gelli de Belen, at Snooky Serna.
Ayon sa manager niyang si Bambbi Fuentes, mahirap ng role ni Khai dahil kailangan nitong ipakita ang iba’t ibang emosyon.
Hindi naman nabigo ang direktor nilang si direk Louie na ilabas at maipakita ang kinakailangang arte mula kay Khai. Hindi ito natinag kina Ms Pilar, Janice, Geli, at Snooky dahil nakipag-baragan siya ng arte.
Ang Mantsa ay tumatalakay ukol sa mental health, intergenerational trauma, at ang komplikadong dynamis sa loob ng isang pamilya.
Nakasentro ang pelikula sa emosyonal na pag-igting tungkol sa isang matandang babae na naninirahan sa paghihiwalay at ang mga “mantsa” ng nakaraan na bumabagabag sa kanyang sambahayan.
Ang kuwento ay magsisimula kay Lola Pacita (Pilar Pilapil), isang matandang babae na nakatira sa isang liblib na isla kasama ang kanyang anak na babae. Ang kanyang buhay ay komplikado sa pamamagitan ng kanyang pakikipag-ugnayan sa kanyang mga apo at ang bigat ng mga lihim mula sa kanyang nakaraan.
Ang Mantsa ay sumisimbolo sa walang hanggang emosyonal na mga pilat at pinipigilang sakit na nananatiling hindi napigilan sa loob ng isang pamilya.
Kasama rin sa pelikula sina Shira Tweg, Lloyd Samartino, at Dino Guevarra gayundin sina Bo Bautista, LA Santos, Miles Poblete, Than Perez, Ghia Garcia, Mill Marzo, Rain Barretto, RJ Ariar.
Original na story ni Bambbi Fuentes, screenplay ni Krista Ann Taclan – Fuchs na kinikilala sa kanyang trabaho sa Virgin Labfest, isang festival ng one-act plays, at sa Senakulo, isang tradisyonal na Filipino religious passion play na ginaganap tuwing Semana Santa. Co-producer si Apeng Valenzuela, supervising and executive producers sina Bambbi at Tine Areola.
Unang napanood si Khai sa Kadenang Ginto, pagkatapos ay nakasama sa mga pelikulang Mga Kaibigan ni Mama Susan na pinagbidahan ni Joshua Garcia at Ang Huling Hibla na ginampanan niya ang isang batang pipi na nakasaksi ng masaker kasama si Jun Urbano.
Kasama rin siya sa Sugat sa Dugo na gumanap bilang isang biktima ng AIDS o Acquired Immunodeficiency Syndrome. Rito sa Sugat sa Dugo napansin ang husay ni Khai dahili itinanghal siyang New Male Actor of the Year sa 39th Star Awards.
Umaasa si Khai na mapapansin ang kanyang galing sa Mantsa dahil hindi biro ang role na ginampanan at hindi rin matatawaran ang galing ng mga kasama sa pelikula.
