HATAW! D'yaryo ng Bayan hatawtabloid.com
HARD TALK
ni Pilar Mateo
SA kabila ng tambak na mga dokumentong nangangailangan ng kanyang lagda sa iba’t ibang departamento ng kanyang pinamumunuang MTRCB (Movie and Television Review and Classification Board), ang Chairperson at CEO na si Lala Sotto ay hindi nagsasawa at napapagod daluhan ang mga pagtitipong may kinalaman sa mga (RP) Responsableng Panonood sa iba’t ibang parte ng bansa.
Makailang beses na siyang umikot kasama ang mga miyembro ng kanyang Board para kausapin ang mga estudyante at mga magulang sa pagpapaliwanag ng kahalagahan ng pagiging responsable sa pagsusulong sa ating mga kabataan ng mga bagay na napapanood, nakikita, naririnig nila sa mga palabas—mapa-pelikula o telebisyon.
Idinaos sa Unibersidad ng Malabon ang nagdaang seminar sa Responsableng Panonood noong nagdaang Linggo.
Sa tulong at suporta ng alkalde ng lungsod na si Jeannie Sandoval, naipaliwanag sa mga nagsidalo ang kalagahan ng “media literacy and responsible content” sa ating mga kabataan.
Pinaiigting ng ahensya ang PROTECT
framework (P.R.O.T.E.C.T. Framework Details: P-rovide guidelines on age-appropriate content. R-egulate screen time and set healthy limits.O-bserve co-viewing. T-each media literacy. E-ducate children on the impact of media. C-reate a family viewing plan. T-ake the lead by setting an example in responsible viewing) na nagbahagi ang MTRCB Board Members ng key insights na makatutulong sa mga estudyante na maging kritiko, may kaalaman at responsableng “media users.”
At sa kabila rin nito, may panahong nailaan si Chair Lala para kumuha ng units sa Law. Na sa isang araw ay walong oras niya itong binubuno.
Mahalaga naman talaga na may kinalaman sa batas ang isang namumuno ng isang ahensya na gaya niya.
Politika?
Paulit-ulit man niyang sabihing wala ang atensyon niya eoon, may maniniwala ba?
Sa ngayon ang MTRCB at ang Reponsableng Panonood ang mundo niya!
