Cesar walang maintenance sa edad 64, ‘di kumakain ng white rice at junk food  

I-FLEX
ni Jun Nardo

IPINAGMAMALAKI ni Cesar Montano na sa edad na 64 eh wala siyang maintenance medicines.

Nakita ng media si Cesar sa Pan De Panitikan na ginanap sa Kamuning Bakery and Café bilang pagpupugay sa Buwan ng Panitikan, Ginawang living stage ang bakery para sa spoken and unsung word.

Sa maiksing pag-uusap, nasabi ni Cesar na hindi na siya kumakain ng white rice at walang junk food.

Tuloy pa rin siya sa pagpipinta at first time niya sa poetry na gusto niyang gawing kanta.

Isa rin sa naging bahagi ng event si Professor at MTRCB board member Nestor Cuartero at iba pa kasama si Wilson Lee Flores na may ari ng ancient bakery.

Ginaganap tuwing huling Biyernes ng buwan ang Pan De Panitikan.