Direk Lauren Dyogi sobrang proud sa BINI: they all did so well 

SHOWBIZ KONEK
ni Maricris Valdez

SOBRANG proud ang tatay-tatayan ng Nation’s Girl Group na BINI na si direk Lauren Dyogi sa matagumpay nilang performance sa katatapos na Coachella noong April 10 (April 11, 7:15 a.m. Philippine time).

Hataw kung hataw at talaga namang punompuno ng energy sina Jhoanna, Aiah, Colet, Maloi, Gwen, Stacey, Mikha, at Sheena sa kanilang 45 minute set sa  Mojave Stage sa Indio, California.

Kaya naman hindi nakapagtatakang ituring silang pride ng Pilipinas dahil sa matagumpay nilang performances.

Sabi nga ni Roxy Liquigan, ABS-CBN Music head na naroon din sa Indio, California noog araw na iyon, talagang kakaibang energy at performance ang ipinakita ng Bini. 

“Grabe, ayaw umalis ng mga tao, sa audience. So we’re so happy. Grabe ang performance,” ani Roxy sa panayam ng ABS-CBN. 

“Sobrang pagod, parang ito ‘yung rocketship na napalipad mo na sa ano…’yung feeling na nai-release na namin all the tension and I’m very proud of the girls. They all did so well,” masayang-masaya at proud na proud na turing ng ama-amahan ng Bini at Star Magic head na si direk Lauren.

“And the crowd so amazing, they were so engaging. They loved the setlist, they loved the choreography, they loved the production, maraming salamat to everybody who came,” dagdag pa ng direktor.

Idinagdag pa ni direk Lauren na magtatanghal din sa Grammy Museum para sa Billboardannouncement ang Bini.

“April is such an amazing month for BINI. From Coachella, to Grammy Museum, to the announcement of Billboard (US) that we will be part of it on the 29th, and coming home to kick off the world tour. Ang daming mangyayari.

“Actually, we can’t wait to get home and share our pride and feeling of happiness with our kababayans,” sabi pa ng direktor.