HATAW! D'yaryo ng Bayan hatawtabloid.com
SUGATAN ang walong miyembro ng isang pamilya matapos mahulog sa kanal ang sinasakyang jeep habang bumibiyahe patungong graduation sa Brgy. Salvacion, bayan ng Murcia, lalawigan ng Negros Occidental, nitong Linggo ng umaga, 8 Hunyo.
Pawang mga residente ng Brgy. Minautok, Calatrava, Negros Occidental ang mga magkakaanak na biktima.
Ayon kay P/Maj. Sherwin Fernandez, hepe ng Murcia MPS, patungo ang pitong pasahero at ang driver sa isang paaralan sa Brgy. Alegria, nang matanggal ang kanang gulong sa harap ng jeep, dahilan upang mapunta ang sasakyan sa kanal.
Dinala ang mga biktima sa pribadong pagamutan ngunit agad din nakauwi matapos lapatan ng lunas ang mga sugat at mga galos sa kanilang katawan.
