Paolo deadma sa lamig habang umaakting

I-FLEX
ni Jun Nardo

TINIIS ng aktor na si Paolo Gumabao ang lamig sa The Prague habang isinu-shoot ang pelikulang Spring In Prague para sa isang mahabang eksenang ang dayalog niya eh straight English, huh!

Kapareha ni Paolo ang Czech-Macedenian actress na si Sara Sandeya na nakasabay din sa acting ni Paolo.

Love story ang movie ng dalawang taong mula sa magkaibang culture. Pero pinagtagpo sila ng kapalaran at destiny at nabuo ang wagas sa pag-iibigan kahit may mga balakid sa pagmamahalan nila.

Maganda ang pagkakagawa ni direk Lester Dimaranan. Engaging at aalamin mo kung magkakatuluyan ba ang nag-iibigan.

Hinahanapan pa ito ng playdate pero sure na itong ipalalabas sa Prague at target itong isali sa 2025 Metro Manila Film Festival.