Anak ni Gladys na si Christophe mahusay na singer at composer

MATABIL
ni John Fontanilla

PROUD Mommy and Daddy sina Gladys Reyes at Christopher Roxas dahil out na ang first album ng kanilang anak na si Christophe Sommereux.

Ang self-titled debut album ni Christophe ay available na sa lahat ng digital streaming platforms under StarPop.

Ang album ay naglalaman ng anim na sure hit songs tungkol sa love, comfort, at nostalgia na bagay na bagay sa mga Gen Z. Si Christophe mismo ang nagsulat ng mga kantang Take Care, Sira, Abot Bituin, Sine, Basta Ika’y Nariyan and Aren’t You Ready.

Kaya naman ‘di lang mahusay na singer kung hindi mahusay din itong composer.

Ang alternative rock EP ni Christophe ay produced nina Rox Santos at Jonathan Manalo,Head of Creatives, Content, and Operations ng ABS-CBN Music.