Yilmaz ‘di na tuloy pagbisita ng ‘Pinas 

I-FLEX
ni Jun Nardo

GIFT from heaven ang tawag kay Ruffa Gutierrez ng may-ari ng Magical Gems by Isabel & Alexandria na si Mr Harry dahil pumayag siyang maging ambassadress ng kanyang gems  na hindi lang accessories ang looks kundi puwede rin sa mahahalagang okasyon.

Mamahalin ang mga gem na nakapaloob rito at sa suot ni Ruffa sa mediacon eh nagkakahalaga raw ng P5000K  huh!

Kilala ba ni Sir Harry si Ruffa at alam ang status nito sa showbiz?

“Kilala ko siya!” sagot ni Sir Harry.

Pati lovelife niya kilala niya?

“I’m a very private person. Pardon me, I do not know her personalie. But we’re friends now! Hahaha!”sagot niya.

“Kasi nga, pina-follow na niya ako! Hahaha!” sabad ni Rufing.

Kamakailan eh nag-post si Ruffa sa birthday greeting niya kay  Herbert Bautista.

“I only post twice a year! Sa  personal life, mas maganda at mas nagtatagal at healthy ‘pag private. Iba ang private, iba ‘yung secret!

“Mas maganda ‘pag private kasi birthday niya!” sagot ni Ruffa.

Aaakting muli si Ruffa sa GMA series na Beauty Empire. ‘Yun nga lang, parang hindi na tuloy ang pagpunta sa bansa ng former husband niyang si Yilmaz Bektas. Proud siyang sabihin na siya ang nagpapaaral sa dalawang anak na nasa States habang si Yilmaz eh nagbibigay ng allowance.

Natutuwa siya sa mga anak dahil masipag mag-aral. Graduate na rin siya at ginagawa ang thesis para sa kanyang master’s degree in Communications.

Ipinagmamalaki ni Rufing na never siyang nagsanla ng alahas para maitaguyod ang dalawang anak.