HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
NAKATUTUWA naman iyong ginawa nina Sharon Cuneta at Kiko Pangilinan. Dinala kasi ng mag-asawa ang Yaya ni Frankie na si Irish para makadalo sa college graduation ng panganay ng anak ng Megastar.
Naunang tumulak pa-Amerika si Sharon pagkatapos ng eleksiyon at sumunod na lamang si Kiko kaya hindi nakadalo sa proclamation ng mga senador na ginanap last Saturday.
Sa Instagram post ni Sharon, ibinahagi nito ang mga kaganapan sa graduation ni Frankie na dumalo rin ang mga anak na sina Miel at Miguel.
Sa isang picture ring ibinahagi ni Ate Shawie, makikita na naroon din si Yaya Irish na nakasama nila sa mahabang panahon.
Caption ni Sharon, “Our surprise for @frankiepangilinan on her grad was her Yaya Irish! We brought her with us because she has take care of Kakie for years now and they are so close!”
Siyempre ibinahagi rin ni Sharon ang family picture nila sa kanyang post gayundin ang pamamasyal nila sa Chinatown sa NYC.
May caption naman iyong, “Reunited! #chinatownnyc.”
