Sharon hindi na iiyak sa pagkapanalo ni Kiko 

I-FLEX
ni Jun Nardo

IT’S all over but the shouting! May nanalo na at may natalo rin.

Of course, happy kami sa pagbabalik ni Mayor Isko Moreno. Pulling away ang bumoto sa kanya versus ang mga kalaban.

Nakatutuwa ring nanalo ang anak niyang si Joaquin Domagoso na number 1 sa nanalong konsehal sa second district ng Manila.

Nakalulungkot naman ang nangyari sa kandidatura ni Luis Manzano bilang vice governor ng Batangas. Mabigat ang nakalaban niyang si Dodo Mandanas na malaki ang lamang ng boto kay Luis.

And for Vilma Santos, as governor, inilampaso niya ang mga kalaban.

As for her son, Ryan Christian Recto, malaki ang lamang sa kalaban bilang kongresista sa isang distrito sa Batangas. Kakilala namin ang nakalaban niyang si Atty. Engr. Mar Panganiban na naging kaklase namin sa UE College of Law.

Malungkot ang naging kapalaran ni Dan Fernandez sa Laguna. Tinalo siya ng  former ABS-CBN journalist, Sol Aragones. Kakilala rin namin ang nanalong vice governor na si Atty. JM Carait.

Hindi na pinalad ang aktor na si EJ Falcon sa pagtakbo niya sa Mindoro. Natalo ang matapang na gobernadora ng Cebu City na si Gwen Garcia.

Nakatutuwa naman sa senador dahil pasok sa Top 10 sina Bam Aquino at Kiko Pangilinan. Hindi na iiyak si Sharon Cuneta sa tagumpay ng asawa.

May incumbent na nanalo at mayroon namang natalo. Pero kapansin-pansin na mas marami na ang bagong dugo na nabibigyan ng pagkakataon.

Three years lang ang termino ng mga nanalo ngayong 2025 elections.

Sa 2028, mas mabigat at matindi ang labanan dahil magkasabay ang local at presidential election, huh!

But wait muna tayo sa impeachment ni VP Sarah Duterte sa July dahil mayroon nang bagong senador na lalabas na judges sa impeachment proceedings, huh.