HATAW! D'yaryo ng Bayan hatawtabloid.com
MATABIL
ni John Fontanilla
HINDI makontak ilang araw na at nawawala ang VMX (dating Vivamax) star na si Karen Lopez na huling nakita noong Lunes ng tanghali, Mayo 5.
Ayon sa manager nitong si Lito De Guzman, hindi na niya makontak ang alaga matapos sunduin ito ng boyfriend sa tinutuluyang condominium unit. At maging ang boyfriend ni Karen, hindi rin nila makontak.
Kaya naman kinakabahan at ninenerbyos na sila dahil baka kung ano na raw ang nangyari sa kanyang alaga.
Hindi rin ito sumipot sa huling shooting para sa isang pelikula sa VMX, noong Miyerkules, Mayo 7. Dito na labis kinabahan ang talent manager dahil hindi naman daw nale-late sa call time si Karen.
Habang isinusulat ang artikulong ito, wala pang update kung may balita na ba tungkol kay Karen at maging sa umano’y boyfriend na sumundo sa condo unit at hindi rin malaman kung nasaan.
