HATAW! D'yaryo ng Bayan hatawtabloid.com
NAGPAHAYAG si Dingdong Dantes ng buong suporta sa kaibigan na si dating senador at independent senatorial candidate Bam Aquino, kasabay ng pagpuri sa kanyang mga tagasuporta.
“I feel good to be around you (volunteers), and of course on a very, very special day, sa birthday, kaarawan ni Bam. Dahil siyempre, pakiramdam ko, kasama ko kayo dahil isa rin akong volunteer magmula pa noong 2013, doon sa BamBus,” wika ni Dingdong na nagpasalamat sa mga volunteer dahil palagi silang naririyan para kay Bam mula umpisa.
“I think that’s because of our shared admiration, our shared respect, and shared love for our birthday boy. Kaya siguro nararapat din na bigyan natin siya ng dasal at ng isang magandang pagbati sa napakahalaga ang kaarawan niya,” dagdag pa niya.
Ayon kay Dingdong, kilala na niya si Bam mula pa noong grade school sila, na nauna lang sa kanya ng ilang taon ang dating senador.
“Magkakilala na kami noon pa. Mga tatlong taon siyang mas ahead—mas matanda ng kaunti sa akin,”ani Dingdong.
“Pero kahit noon pa man, pakiramdam ko, kasapi na ako ng Bam Bam Fans Club,” dagdag pa ng aktor, na ang tinutukoy ay ang palayaw ni Bam noong bata pa.
Para naman sa kanyang personal na birthday wish para kay Bam, sinabi ni Dingdong, “For him to have the strength to carry on lahat ng mga plano niya para sa atin. Dahil kailangan niya ito siyempre para magampanan ang gusto niya gawin para sa ating bayan.”
Pang-11 si Bam sa pinakabagong Pulse Asia survey na ginawa mula Abril 20 hanggang 24.
