Alden Richards sobra ang katuwaan nang makita si Tom Cruise  

MATABIL
ni John Fontanilla

KITANG-KITA ang katuwaan kay Alden Richards nang makaharap ng personal ang  Hollywood actor na si Tom Cruise sa South Korea.

Lumipad si Alden pa-South Korea dahil naimbitahan ng Paramount Pictures para dumalo sa premiere night ng pelikulang Mission: Impossible The Final Reckoning na pinagbibidahan ni Tom.  

Sa isang interview kay Alden bago ang pagpunta sa South Korea, ipinahayag nito ang sobrang excitement sa pagdalo sa premiere night ng pelikula.

“We’re very privileged to have been invited by Paramount Pictures. Tayo rin ang mapalad na napili na Filipino delegate to attend the premiere night ng ‘Mission: Impossible The Final Reckoning.’”

Dagdag pa ng aktor, “I am a super fan of the franchise, I watched all of the ‘Mission Impossible’ movies.

“Grabe! Nang makipag-meeting pala ako with Paramount Pictures, na- express ko sa kanila ang alam ko about the film and how I look up to Tom Cruise being one of the best action stars of all time. Hopefully, one day, I can be like him,” pagbabahagi pa ni Alden.

Nang makita nga ng personal ni Alden si Tom napakatagal ng kamayan ng dalawa na siyempre pa malaking karangalan sa aktor iyon. Maka-face to face mo nga naman, makakamayan pa, at makausap. Iba talaga ang dating niyon. 

Bukod sa kamayan, may kuha pang naka-thumbs up si Alden at itinuro naman siya ni Tom.