Kiray brand new van iniregalo sa ina (pagkaraang magbigay ng P1-M)

MATABIL
ni John Fontanilla

NAPALUHA ang ina ng actress/ businesswoman na si  Kiray Celis sa sorpresang ibinigay nito sa kanyang  pinakamamahal na ina.

Isang brand new van ang regalo nito sa birthday ng ina at mother’s day gift na rin.

Sa isang vlog nito na ipinost sa kanyang Instagram ay makikita na inimbitahan ni Kiray ang kanyang ina sa paboritong restoran, pero bago umalis ay piniringan ang ina. Pero imbes na dumiretso sa restoran ay dinala ni Kiray at ng kanyang fiance na si Stephan Estopia ang ina sa isang car delearship at saka tinanggal ang piring at bumulaga ang brand new van.

At doon na sinabi ni Kiray na regalo niya iyon sa birthday ng kanyang ina at mother’s day gift na rin at the same time. At dito na nga napaluha ang ina ni Kiray.

Unang sinorpresa ni Kiray ilang buwan na ang nakalipas ng P1-M ang ina at ngayon ay isang van naman.

Ramdam ng netizens ang grabeng pagmamahal ni Kiray sa kanyang ina.