Nick Vera Perez abala sa promosyon ng ikaapat na album 

NASA bansa ngayon si Nick Vera Perez para sa kanyang ikaapat na album, ang all-original at all-new OPM album na Parte ng Buhay Ko, na available na sa lahat ng digital platform.

Ang Parte ng Buhay Ko album ay naglalaman ng mga awiting swak na swak sa panlasa ng mga Pinoy katulad ng  Bigaya, Paghilom ng Sugat, Titig, Lihim ng Puso, Kalendaryo, May Tayo Ba?, Pangarap Ko’y Ikaw, at Sana’y Mapansin.

Magiging abala ito sa promotions ng kanyang album sa radio, mall tours, at tv show.

Ilan dito ay ang kanyang guesting sa Net 25’s Eat Connect, Wej@Minute, Sta. Lucia East Mall, Isetann Recto, Robinsons Novaliches, Wish Bus, at sa  Mayo11, ay nasa  KCC Mall de Zamboanga naman ito.

Magiging espesyal na panauhin ni Nick ang equally mahuhusay na singer at performer na sina Madam Evelyn O. Francia at ang promising singer na si Hannah Shayne.

Bukod nga sa promotion ng kanyang album ay magiging abala rin si Nick sa kanyang charity works sa pakikipagtulungan ng Department of Social Welfare and Development (DSWD).

Kaabang-abang din ang ikalima nitong album ang Unafraid na naglalaman ng mga gospel song, bilang papuri at pasasalamat nito sa Diyos.