HATAW! D'yaryo ng Bayan hatawtabloid.com
MULING nagkasama sina Supremo Senador Lito Lapid at Coco Martin sa isinagawang
motorcade sa ilang palengke sa Quezon City nitong Linggo, April 27.
Nauna rito, nagsama na sina Lito at Coco sa motorcade sa Cavite matapos mapatay ang karakter ni Supremo sa FPJ’s Batang Quiapo, isang araw bago ang campaign period.
Mainit naman ang pagsalubong ng mga residente sa lungsod sa pag-iikot ng dalawang action superstars sa Batang Quiapo, na parehas nilang ikinagalak.
“Nakatataba ng puso ang mainit na pagsalubong at pagyakap sa akin ng mga kababayan natin dito sa Quezon City. Ang pagmamahal at suporta nila ay susuklian ko ng tapat at malinis na paglilingkod,” ani Lito.
Sa isang panayam, nangako si Lito na uunahin ang pagkakaloob ng libreng mga gamot at libreng pagpapa-ospital sa mga mahihirap na senior citizen kapag nanalo sa midterm elections sa May 12.
Dagdag pa ni Lito, marapat lang na mabigyan ng kaginhawaan ang mga senior citizen na matagal nang nagserbisyo sa lipunan.
Si Lito ay isa sa mga may akda ng Expanded Senior Citizens Law o Republic Act No. 10645 na nagbibigay ng mandatory membership sa PHILHEALTH ng mga senior citizen.
Dagdag pa ni Lito, layunin ng batas na ito na masakop na ang mga lolo ar lola ng Philhealth pagdating sa edad 60. (MV)
