HATAW! D'yaryo ng Bayan hatawtabloid.com
I-FLEX
ni Jun Nardo
WALANG tigil ang kalungkutang nadarama sa showbiz. Una si Pilita Coralles na hindi pa man naililibing, sumunod agad ang Superstar at National Artist na si Nora Aunor. Tapos heto at ang OPM legend na si Hajji Alejandro ay binawian ng buhay.
Subalit ang lubos na nagdadalamhati ay ang mga Katoliko sa pagpanaw ng People’s Pope na si Pope Francis.
Inalala ng GMA 7 sa report kahapon sa Balitangtanghali ang pagbisita ni Pope Francis sa bansa lalo na sa mga biktima ng bagyong Yolanda na nag-iiyakan.
Samantala, si Ate Guy ay binigyang-pugay sa Metropolitan Theater at dinala sa Libingan mga Bayani with honors.
Sana nga eh matapos na itong sunod-sunod na kamatayan sa celebrities na parte na ng buhay ng mga Pinoy.
Kahit sabay ang coverage sa death ni Pope Francis at paglibing kay Nora, nagawa pa rin ng GMA News and Public Affairs ang lahat ng dapat malaman ng mga tao.
Huwag naman sanang kalimutan si Hajji na marami ring achivements sa musikang Pinoy.
Malungkot pero life has to go on! Ipagdasasal natin ang walang hanggang kapayapaan kina Pope Francis, Nora, Hajji at iba pang pumanaw.
