MATABIL
ni John Fontanilla
NALUNGKOT ang aktor na si Hiro Magalona sa pagpanaw ng nag-iisang Superstar Nora Aunor.
Isa kasi si Hiro sa masuwerteng artista na nakatrabaho si Ate Guy sa teleserye ng Kapuso Network, ang Little Nanay na pinagbidahan ni Kris Bernal at ng superstar
Nanghihinayang si Hiro na hindi natuloy ang isang eksenang sasampalin sana siya ni Ate Guy. ‘Di raw iyon natuloy dahil ini-request ni Ate Guy na huwag nang gawin ang eksena dahil naawa ito kay Hiro.
Tsika nga ni Hiro, “May eksena dapat na sasampalin n’ya (ate Guy) ako tapos sabi niya kay direk Ricky (Davao), ‘’wag na sampalin kawawa naman.’ Pinatanggal niya ‘yung sampal sa eksena.
“Sayang nasampal sana ako ng nag-iisang superstar at malaking karangalan ‘yun sa akin.”
Dagdag pa ni Hiro, “Hindi rin kami masyado nagkasama sa eksena kasi nasa kabilang unit ako lagi.
“Kaya hindi kami nagkaroon ng time na magkuwentuhan ng matagal-tagal.
“Pero sa maikling sandali na nakasama ko siya sa ‘Little Nanay,’ napakabait niya. Ni minsan ‘di niya ipinaramdam sa amin na superstar siya, napaka-humble niya.
“Wish ko nga dati na sana makatrabaho ko siya ulit, pero ‘di na nangyari dahil nag-lie low ako sa showbiz. Pero thankful pa rin ako dahil nakatrabaho ko siya,” pagtatapos ni Hiro.
